Kryeministri Edi Rama është treguar i prerë nga Vlora në lidhje me çeritifikatat e gjendjes civile që vijojnë të lëshohen nga zyrat e gjendjes civile dhe që kërkohen nga institucionet e ndryshme.
Rama kërkoi zbatimin rigoroz të vendimit të qeverisë, sipas të cilit institucionet e shtetit mund t´i nxjerrin vetë çertifikatat nga sistemi online.
“Mos lëshoni më asnjë çertifikatë, në të kundërt do të gjobiteni. Do t´ua mbajmë nga rroga gjobat”, paralajmëroi Rama punonjësit e gjendjes civile gjatë një takimi me drejtuesit vendor të qarkut të Vlorës.
Në vijim ai shtoi “kam vënë re se gjendja civile këtu vazhdon të lëshojë çertifikata. Nuk e kuptoj pse, sepse ka një urdhër të ministrit të Brendshëm që nuk duhet të lëshohen më”. /tesheshi.com/
