Edi Rama bën gati të dërgojë ambasador në Turqi, një nga njerëzit e stafit të ngushtë që ka pasur në selinë e PS-së kur ishte në opozitë dhe që sot është kreu i pastrimit të parave. Bëhet fjalë për Genti Gazhelin, i cili ka qenë kryefinancier i selisë rozë për një kohë të gjatë.
Në komisionin e politikës së Jashtme, Gazheli ka zhvilluar sot seancën dëgjimore, por kryetarja Arta Dade e zhvilloi më dyer të mbyllura në mënyrë që të mos dalin në publik përplasje jo komode, pasi mund të sulmohej nga opozita madje dhe për çështjen e një partneri strategjik si Turqia.
Por, nuk dihet nëse Gazheli do të marrë firmën e dekretimit nga Presidenti Nishani, pasi kandidati për ambasador është sulmuar egër nga ish-kryeministri Sali Berisha, i cili e ka cilësuar Gazhelin si “çorapja e parave të pista të Ramës”.
Ndërkohë në Romë, pas largimit të Neritan Cekës, qeveria ka propozuar një diplomate karriere si Anila Bitri (Lani), e cila ka qenë diplomate në Madrid dhe Paris. Për këtë të dytën nuk ka pasur as akuza nga opozita, por edhe problem kontestime nga Presidenti.
Megjithatë kreu i shtetit ka deklaruar në një intervistë të fundit se ministri i jashtëm Bushati tani e tutje do të konsultohej për të gjitha emërimet e ambasadorëve./tesheshi.com/
