Tema e mprehtë e punësimit u rrah sërish gjatë një debati në studion e Top Story-it, ku i ftuar ishte kryeministri Rama. Siç dihet, ky i fundit mbron tezën se vende pune ka, por nuk ka specialistë që t’u përgjigjen atyre, apo më keq akoma të gjithë duan rrogën e shtetit dhe jo punën në privat.
Rama solli si shembull një vizitë të bërë tek qendra e re e Mercedez Benzit në Tiranë, tashmë pronë e Kastratëve, ku siç tha, presidenti i kompanisë, Shefqet Kastrati i ishte ankuar për 15 vende të lira puna që nuk po plotësoheshin dot. Rama tha se nuk gjen sot një kompani private që mos vuan nga vendet e lira të punës. Dhe e gjitha kjo situatë sipas tij, erdhi nga një shpërthimi pa kriter i universiteteve private që u shndërruan në fabrika diplomash, me nxjerrjen e juristëve alla plepa pa hesap, e ku paralel u braktis arsimi profesional.
Nga ana tjetër, perceptimi i përgjithshëm është se punë nuk ka, e se Rama nuk e ka mbajtur premtimin për hapjen e 300 vendeve të punës, bërë katër vjet më parë, para se të niste qeverisjen e vendit.
Ndërkohë, edhe opozita, në një spot të saj elektoral, por përgjithësisht në të gjithë ligjërimin akuzues ndaj qeverisë, potencon papunësinë si njollën më të madhe të katër vjeçarit të parë “Rama”. /tesheshi.com/
