Përveçse në Tiranë, ku më 2 mars kreu i shtetit ka ftuar popullin për t’iu bashkuar asaj që e qaun “shpartallim të grushtit të shtetit” me anë të një dekreti, është dhe Vatikani që ka përcaktuar 2 marsin si datën e një zhvillimi historik për Selinë e Shenjtë.
Kështu, dokumente, tekste dhe letra në lidhje me pontifikatën e Pius XII do të jenë në dispozicion në 2 mars, në 80-vjetorin e zgjedhjes së Eugeni Pacellit.
Për vite të tëra, polemikat mbi karakterin e Papës Pius XII kanë qenë një pikë e lënduar e Selisë së Shenjtë, por Vatikani tani do të hap derën e arkivave të tij për studiuesit, të cilët do kenë akses që shohin të gjithë dokumentacionin që lidhet me Luftën e Dytë Botërore.
Duke njoftuar vendimin e tij të një viti më parë për të hapur arkivat, Papa Françesku tha se kisha nuk ka frikë nga historia, por e do atë.
Një zyrtar i Vatikanit tha se kështu do hetohej mbi pretendimet se Papa Piu i mbylli sytë para Holokaustit, ndërkohë që pretendohet se ai në të vërtetë po i ndihmonte fshehtas hebrenjtë.
“Nuk mendoj se do të gjendet ndonjë gjë spektakolare,” tha Norbert Hofmann, zyrtari kryesor i Vatikanit për marrëdhëniet hebraike.
Papa Pius u zgjodh më 2 mars 1939, vetëm gjashtë muaj para shpërthimit të Luftës së Dytë Botërore në Evropë.
Vatikani në mënyrë tipike pret 70 vjet pas përfundimit të pontefektatit për të lejuar qasje të plotë në dokumentet përkatëse në arkiva. Sidoqoftë, në rastin e Pius XII, i cili vdiq më 9 tetor 1958, Papa Françesku vendosi të hapte arkivat më herët. /tesheshi.com/
