Edhe PD e ka nderuar 5 Majin e trashëguar nga komunizmi, ku kreu i saj Basha tha se kombi duhet t’i nderojë të rënët për liri.
“Sot është dita kur kombi nderon të rënët për lirinë kombëtare dhe demokraci. Është një ditë nderimi respekti dhe mirënjohje ndaj qindra dhe mijërave burrave dhe grave.
Përkulem sot në varrezët e dëshmorëve që luftuan për flamurin e Shqipërisë. Kujtojmë sot të gjithë ata që ranë.
Përkulemi sot para bijve të Shqipërisë, Kosovës, Maqedonisë që luftuan për lirinë. Sot është një ditë kur secili prej nesh të ndjejë peshën e rëndë të sakrificës që ky popull ka bërë për lirinë”, tha Basha, duke bërë një zhvendosje dhe në aktualitetin politik.
“Është dhe një ditë reflketimi për t’u bashkuar sërish dhe për të mbrojtur vlerat, të vetëdijshëm se në betejë shkohet për liri”, theksoi kreu demokrat. /tesheshi.com/
