Para se të mbante fjalimin e tij të parë para Asamblesë së Përgjithshme të Kombeve të Bashkuara të enjten, presidenti 38-vjeçar i El Salvadorit, Nayib Bukele kërkoi nga publiku të priste një sekondë, pastaj nxori celularin e tij dhe shkrepi një selfie.
“Më besoni, shumë më tepër njerëz do ta shohin këtë selfie se sa do të dëgjojnë këtë fjalim”, tha Bukele para se t’ja nisë fjalimit, ku i kërkoi Kombeve të Bashkuara që të kapin kohën dhe udhëheqësit botërorë të lidhen më shumë me rininë e vendeve të tyre.
Bukele, i cili erdhi në pushtet në qershor, është një përdorues i shpeshtë i rrjeteve sociale. Në një fjalim, ai ia atribuoi fitoren e tij zgjedhore mjeshtrave të platformave të tilla si Facebook Live, për të cilat ai tha se nuk ishin kuptuar plotësisht nga rivalët e tij politikë.
Në një moment tjetër të krijuar për faqet e rrjeteve sociale, gruaja e Bukele, Gabriel solli vajzën e tyre Layla për të dëgjuar fjalimin e presidentit.
Pas përfundimit të fjalimit, Bukele postoi një foto në Tëitter, ku fitoi më shumë se 25,000 pëlqime në më pak se një orë. Fotografia e tregon atë duke buzëqeshur para një logoje të Kombeve të Bashkuara, një harte të botës të sajuar nga degët e ullirit, sidhe ambasadorit argjentinas në OKB, Garcia Moritano, një nga disa nënkryetarët e Asamblesë së Përgjithshme. /tesheshi.com/
