Edhe në Zvicër priftërinjtë kanë “bërë namin”

Një hetim brenda Kishës Katolike Romake të Zvicrës gjeti pothuajse 1000 raste të abuzimit seksual që nga viti 1950, shumë prej të cilave përfshinin fëmijë.

Studiuesit nga Universiteti i Cyrihut madje gjetën prova të një mbulimi të gjerë, duke folur për raste që janë vetëm “maja e ajsbergut”.

Shumica e rasteve përfshinin ngacmime gjatë rrëfimit ose aktiviteteve të tjera baritore. 30% e incidenteve janë kryer në institucione apo shkolla.

Hetimi, siç raporton BBC, u porosit nga autoritetet e kishës dhe zgjati një vit. Studiuesit kishin akses në arkiva dhe kryen disa intervista, megjithëse zbuluan se dokumentet ishin shkatërruar në dy dioqeza.

Siç shpjegojnë ata, duke pasur parasysh atë që dihet nga hulumtimi, supozohet se janë raportuar vetëm një përqindje e vogël e rasteve.

Për më tepër, hetimi zbulon se klerikët e akuzuar për abuzim mbroheshin nga transferimet në poste të tjera – ndonjëherë jashtë vendit – për të shmangur ndjekjen penale.

Ky është një qëndrim që vazhdoi deri pas vitit 2000, kur dolën në pah skandalet me karakter seksual. /tesheshi.com/