Ish-zyrtari partiak dhe ish-diplomati i Koresë së Veriut, Lee Jeong Ho pretendon se Kim Jong Un është gjallë, por me siguri nuk mund të ngrihet apo ecë, raporton Dong.
Ai thotë se mungesa e Kim në festimin e ditëlindjes së gjyshit të tij në 15 prill, të ëon të mendosh se ai është ose i sëmurë rëndë ose i plagosur diku.
“Kim nuk është vetëm lideri i Koresë së Veriut, ai është gjithashtu nipi i Kim Il Sung … për sytë e Koresë së Veriut kjo është me të vërtetë anormale,” vuri në dukje Lee.
Kim u pa për herë të fundit në publik në 11 prill, ndërkohë që nuk u pa dhe në festimin e Ditës së Diellit. Pas kësaj filluan spekulimet në media se udhëheqësi i Koresë së Veriut ishte “afër vdekjes”. Disa media kineze madje raportuan se ai vdiq, por Koreja e Jugut pretendon se ai është mirë pas një operacioni në zemër.
“Nuk jam i sigurt nëse ai me të vërtetë ka bërë operacion, por një gjë është e qartë – ai nuk mund të ngrihet në këmbë ose të ecë vetëm,” shtoi ish-diplomati.
Ai paraqiti një teori tjetër rreth fatit të diktatorit.
“Ai mund të jetë lënduar gjatë një testi raketash me rreze të shkurtër të kryer në 14 prill”, tha ish-zyrtar i lartë i Partisë së Punëtorëve të Koresë së Veriut, duke shtuar se ai ishte mirë deri në orën 7 të mëngjesit.
36-vjeçari Kim njihet se ka probleme me peshën dhe mendohet se është rreth 120 kg. Ai është i njohur për stilin e jetës së tij jo të shëndetshme, që përfshin alkoolin, pirjen e duhanit dhe ushqimin e fortë.
Mediat raportuan se Kim ose kishte vdekur ose ishte në gjendje kome pas operacionit të dështuar në zemër, megjithatë, Lee tha që nuk ishte e saktë, duke pasur parasysh sekretin e jashtëzakonshëm që rrethonte diktatorin.
“Dy personat e vetëm që mund të konfirmojnë gjendjen e tij të vërtetë janë gruaja e Kim ose motra e tij, ose këshilltarët më të afërt. Thashethemet se ku është tani, nëse ai ka bërë operacion, nuk mendoj se janë të bazuara në fakte”, shtoi Lee. /tesheshi.com/
