Franca tha që ka regjistruar 800 raste të reja të koronavirusit. Tani ka 4499 raste të konfirmuara.
Në këtë situatë, qeveria e Parisit vendosi mbylljen e të gjitha aktiviteteve veç atyre që janë të nevojshme dhe i urdhëroi qytetarët që të dalin sa më pak të jetë e mundur nga shtëpitë.
Nuk do të ketë kafene, restorante, kinema dhe dyqane jo-ushqimore, tha kryeministri Edouard Philippe.
Transporti publik do të funksionojë, por qytetarëve u kërkohet ta përdorin atë të kufizuar.
Sipas Philippe, masat në fuqi në Francë nuk janë aq të forta.
Ai tha se virusi po jepte një goditje të madhe dhe se vendi kishte nevojë për masa më drastike.
Kryeministri tha se francezët nuk kishin disiplinë dhe e kishin të vështirë të pranonin konceptin e distancës shoqërore.
“Ka shumë njerëz në kafene dhe restorante. Francezët nuk janë disiplinuar sa duhet”, tha Philippe
Transporti publik do të funksionojë normalisht, por kryeministri u bëri thirrje francezëve që ta përdorin atë në mënyrë minimale dhe veçanërisht për të zvogëluar udhëtimin midis qyteteve.
“Qëllimi ynë është t’ju mbrojmë”, përfundoi kryeministri francez. /tesheshi.com/
