Futbollisti i njohur belg dhe ish-lojtari i Chelsea dhe Real Madridit ka njoftuar tërheqjen nga futbolli aktiv.
Këtë lajm e ka bërë të ditur në rrjetin social X, Fabrizio Romano, një nga gazetarët më të njohur sportivë të ditëve të sotme.
Hazard shkroi në mesazhin e tij të lamtumirës:
“Duhet të dëgjosh veten dhe të ndalosh në kohë.
Pas 16 vitesh dhe më shumë se 700 ndeshjeve të luajtura, vendosa t’i jap fund karrierës si futbollist profesionist.
E realizova ëndrrën time, luajta dhe u argëtova në shumë fusha anembanë botës.
Gjatë karrierës sime kam pasur fatin të takoj shumë menaxherë, trajnerë dhe bashkëlojtarë – faleminderit të gjithëve për të gjitha gjërat e mira, do të më mungoni.
Gjithashtu, dua të falënderoj të gjitha klubet për të cilat kam luajtur: LOSC Lille, Chelsea dhe Real Madrid: falë Federatës së Futbollit të Belgjikës dhe kombëtares së vendit tim.
Një falënderim i veçantë shkon për familjen time, miqtë e mi, klientët e mi dhe të gjithë ata që kanë qenë me mua në të mirat dhe të këqijat.
Në fund, falenderimi më i madh shkon për ju, fansat e mi, që më keni ndjekur gjatë gjithë viteve dhe më keni inkurajuar kudo që kam luajtur.
Tani është koha të kënaqem me ata që dua dhe të përjetoj përvoja të reja.
Shihemi së shpejti jashtë fushës, miqtë e mi”.
Dëmtimet e shumta nuk e lanë talentin belg që të ketë një karrierë normale. Transferimi i tij nga Chelsea te Reali ishte një lajm i bujshëm, por në Spanjë ishte dhe episodi i fundit të tij pa mundur të japë maksimumin. /tesheshi.com/
