Thënia e popullit se “e vërteta vonon por nuk harron”, është mishëruar tek zbulimi pas 18 vitesh i faktit se një shqiptar që kishte jetuar qetësisht, por me identitet të rremë në Angli, zbulohet më së fundi se ishte një vrasës, i kërkuar në Shqipëri e nga Interpoli për ekzekutimin e dy vëllezërve në Burrel.
Tashmë 53-vjeçar, ai jetonte me një identitet të rremë, si Avni Metra, i ardhur në ishull si refugjat kosovar, ku me këtë status i kish marrë jo pak të ardhura nha shtetit britanik. Por sipas Daily Mail që e bën të ditur këtë rast, Avdul Mekra, u zbulua së fundi nga hetuesit shqiptarë. Ai, edhe pse pak vite më parë kishte rënë në pranga për ushtrim dhune ndaj bashkëshortes, nuk kishte mundur të identifikohej nga autoritetet britanike si një vrasës në kërkim.
Tashmë, priten procedurat për esktradimin e tij, ku me gjasë jetën e mbetur do e kalojë pas hekurave, jo në Britani, por në atdheun e tij të braktisur për shkak të një krimi të dyfishtë, këtu e 18 vite më parë. /tesheshi.com/
