Një mister rrethon “shtëpinë më të vetmuar në botë” që ka qëndruar bosh në një ishull të vogël të shkretë për gati 100 vjet.
Fotografitë e një ndërtese të bardhë të vendosur nën një kodër të gjelbër në ishullin e vogël islandez Ellidaey po qarkullojnë përsëri në mediat sociale.
Ishulli ishte shtëpia e disa familjeve gjatë shekujve 18 dhe 19, por në vitet 1930, disa banorë të mbetur aty u zhvendosën në kërkim të një jete më të mirë. Që atëherë, ishulli është braktisur dhe plotësisht i zbrazët. Kjo ka bërë që shtëpia e vetmuar të mbulohet nga teori të shumta të çmendura.
Një thashethem është se ajo është ndërtuar nga një miliarder i çuditshëm që planifikoi të tërhiqej tek Ellidaey në rast të një apokalipsi zombie. Të tjerët supozojnë se shtëpia është në pronësi të një vetmitari fanatikisht fetar.
Në një moment, madje u spekulua se këngëtarja Bjork ishte pronare e kësaj shtëpie të çuditshme dhe se ajo ishte madje në negociata me qeverinë për të blerë ishullin, raporton Oddity Central.
Por realiteti është më pak emocionues.
Vetë ishulli është i banuar nga dhëmbëza tupikash që ushqehen me peshq nga uji, ndërsa shtëpia e bardhë e atyshme është në të vërtetë një kasolle e ndërtuar nga shoqata e gjuetisë Ellidaeya.
Megjithëse mëllenjat janë një specie e rrezikuar, ato nuk janë të mbrojtura në Islandë dhe nuk është e paligjshme t’i gjuajnë ato.
Për të lehtësuar udhëtimet e gjuetisë, grupi ndërtoi shtëpinë si një bazë me një sauna të mundësuar nga një sistem i mbledhjes së ujit të shiut.
Megjithëse duket idilike, kasollja në mes të askundit ka të metat e saj – pa energji elektrike apo instalime hidraulik4.
Ishulli renditet gjithashtu si një rezervat natyror dhe zonë e mbrojtur sepse është vendi kryesor i folezimit të disa zogjve të detit.
Kompanitë e udhëtimit ofrojnë udhëtime ditore për turistët që duan të shohin pamjet që ofron vendndodhja. /tesheshi.com/
