Simbolet kombëtare krijojnë një ndjeshmëri të veçantë tek çdo njeri, po për institucionet përkatëse është dhe detyrë ruajtja dhe mirëmbajtja e tyre.
Ama nuk ndodh kjo për flamurin tonë kombëtar, i cili valëvitet fatkeq dhe i leckosur prej vitesh në një nga zonat më të populluara të Tiranës, pikërisht në lagjen ku kanë selitë disa nga ambasadat mike, si ajo hollandeze, amerikane dhe italiane.
Kujt i ka rënë ndonjëherë rruga të kalojë pas Televizionit Publik Shqiptar, rrugica që të nxjerrë tek ambasada amerikane, ka parë këtë flamur të grisur që valëvitet. Është një ndjesi e hidhur për secilin shqiptar dhe jo vetëm që të shohë këtë shëmti, por asnjë zyrtari shtetëror nuk i ka vajt mendja deri më tani ta zëvendësojë me një flamur të ri apo thjesht ta heqë që aty.
Video e flamurit të grisur u publikua në facebook nga profesori i artit vizual Shpend Bengu dhe dhjetra reagime vërshuan në komente ku shprehej indinjatë.
Fill pas publikimit, Bashkia e Tiranës ka ndryshuar flamurin me një të ri/tesheshi.com/
