Kërpudha, baktere, sekrecione të ndryshme dhe djersë. Këta janë vetëm disa nga elementët negativë që me sa duket na bëjnë shoqëri nën çarçafë nëse nuk i ndërrojmë shumë shpesh. Këtë e konfirmon Philip Tierno nga New York University School of Medicine.
Siç raporton sajti Metro.co.uk, sipas studiuesit duhet që çarçafët e shtratit t’i ndërrojmë të paktën një herë në javë. Në rast të kundërt rrezikojmë të flemë në një lloj klime të njohur si “Cloaca Massima”, të përbërë nga çdo lloj sekrecioni të trupit.
Nëse nuk ndërrohen kurrë, çdo vit shtrati mendohet të mbulohet nga rreth 100 litra djersë, përfshirë edhe mbetje të tjera të trupit. Pra, bëhet fjalë për një mori bakteresh dhe papastërtish. Për të evituar alergjitë, Tierno këshillon të ndërroni dhe të lani çarçafër çdo 7 ditë pasi, siç shpjegon ai “sekrecionet e akumuluara nisin të bëhen të rrezikshme pas një jave”. /tesheshi.com/
