E supërsulmuara së fundi nga presidenti Meta si grushtshtetase, ministrja e Drejtësisë Etilda Gjoni, kujtoi momentet kur Rama e kishte propozuar për të qenë në frontin e Reformës në Drejtësi. Duke folur në ditën e dytë të Kongresit socialist, Gjonaj tha:
“Është nder dhe privilegj të jem në një pikë kyçe të frontit të luftës së Reformës në Drejtësi me të keqen e rrënjosur thellë. Rruga ime për të ardhur deri këtu sot ka nisur kur nisi të diskutohej për Reformën në Drejtësi. Nuk e fsheh dot se nuk kam besuar atëherë se do të gjenden shtigjet për të çarë rrugën e kthimit. Nuk e harroj ku Rama në maj të vitit 2017 më propozoi të bëhem zv. ministre e Drejtësisë e më tha: ‘E di që do më thuash jo por mos e thuaj pa e menduar. Ti je pjesë e atyre që i ke hyrë detit në këmbë për Reformën në Drejtësi’.
Pavarësisht të gjitha peripecive përfshirë edhe ato që krijohen brenda shpirtit dhe brenda familjes, sikur 100 herë të kthehesha mbrapsht, prapë do i bashkohesha këtij fronti”, tha Gjonaj.
Nga ana tjetër, ministri i Diasporës Pandeli Majko, një ndër figurat e traditës në PS, tha se synim është marrja e një mandati të tretë qeverisës. “Do të jetë hera e parë në 30 vite marrja e mandatit për herë të tretë”, theksoi Majko. /tesheshi.com/
