E shkakuara a bujshme nga vettingu, ish-kryeprokurorja e Tiranës, Elisabeta Imeraj, foli së fundi në “Breaking” në Top News, duke thënë se aja çfarë i ndodhi asaj nuk tregon dështimin e drejtësisë në vend.
“E kam të vështirë të dal jashtë suazës së sistemit të drejtësisë që kam qenë pjesë. Jo çdo aksident i ndodhur ka qenë një dështim i drejtësisë. I bashkohem shprehjes së thënë se ‘një drejtësi e vonuar është një drejtësi e munguar’.
Ne nuk flasim për një drejtësi me ndëshkim por duhet të shohim para.
Elisabeta Imeraj nuk duhet t’ja lejoj vetes mesazhin që ne nuk duhet të kemi besim tek drejtësia. Unë dua të jap si mesazh që çdo qytetar i Republikës të Shqipërisë të reagoj karshi çfarëdolloj padrejtësie”, tha gruaja që në fakt, nga shkarkimi që iu bë, me letra anonime, duhej të fliste ndryshe.
E pyetur se kush po e kërkon shkarkimin e saj , Imeraj është rikthyer edhe njëherë tek paragjykimet mbi origjinën apo dukjen.
“Unë jam drejtuar në mënyrë të vazhdueshme edhe në seancat dëgjimore dhe kam shpalosur të gjithë elementet ligjorë duke iu referuar të gjithe deklaratave dhe akuzave anonime të përsëritura.
Kjo më ka bërë të ngre zërin dhe të them: denoncimet anonime mund të bëhe për këdo dhe unë nuk kam parë një proces te dytë që këto denoncime të bëhen akuza. Kjo shndërrohet në një lloj mekanizmi që paragjykon njeriun për shkak të mënyrës nga është, si flet, si mbledh flokët, nga është apo si e ka timbrin e zërit, dhe këto elementë nuk janë shkak që të mos e bëjë një njeri të padenjë për pozicionin e tij.
Të qënit një prokuror dinjitoz nuk është antivlerë por vlerë që duhet përkrahur”, tha ndër të tjera znj. Imeraj. /tesheshi.com/
