Regjisori i njohur Altin Basha e cilësoi Luiza Xhuvanin si një “aktore të famshme”, një vlerësim i munguar verbal për të deri më sot.
Duke folur për shfaqjen “Coriolanus” që Basha po vë në skenë, ku protagoniste është dhe aktorja e njohur sarandiote, njëherësh ish-deputete e PS-ës në Sarandë, regjisori i njohur tha se ishte më fat të
bashkëpunonte me një figurë skenike si Luiza Xhuvani.
“Është fat që po bashkëpunoj për here të parë me Luiza Xhuvanit”, tha Basha.
Coriolanus është një tragjedi nga Wlliam Shakespeare, që besohet se është shkruar midis viteve 1605 dhe 1608.
Shfaqja bazohet në jetën e liderit legjendar romak Caius Marcius Coriolanus.
Regjisori tha se ka zgjedhur të inskenojë këtë tekst për shkak se “merret me çështje të populizmit, me çështje të raportit të individit me politikën dhe turmës me politikën”, raporton Euronews Albania.
Kujtojmë se jeta e Luiza Xhuvanit pati një kthesë dramatike pak vite më parë, për shkak të të birit që morri katër jetë në një ngjarje banale. Më pas, ajo do humbte dhe të shoqin, regjisorin e njohur Gjergj Xhuvani.
Megjithatë, ajo ka gjetur forca ta vijojë jo thjesht jetën por dhe karrierën, e cila për vetë specifikat që ka, kërkon potenciale të forta shpirtërore. /tesheshi.com/
