Ilir Boçka, diplomati karriere, i cili aktualisht është ambasador në Beograd, ka përfituar gradën personale “Ambasador” nga presidenti Ilir Meta.
Emri i Ilir Boçkes, për të përfituar këtë gradë, është dorëzuar në Presidencë nga Ministria e Jashtme, që në vitin 2016, por ish-presidenti Bujar Nishani, vendosi të miratonte vetem emrin e Dashnor Dervishit për të përfituar këtë grade, duke refuzuar emrin e ambasadorit Boçka.
Sipas ligjit për shërbimin e jashtëm, diplomatët e karrierës e përfitojnë gradën “Ambasador” pasi të kenë fituar njëra pas tjetrës të gjitha gradat diplomatike, dhe të kenë qenë në detyrën e kreut të misionit diplomatik të paktën dy funksione, por jo më pak se gjashtë vjet gjithsej.
Dhe më pas, ministri i Punëve të Jashtme, bazuar në rekomandimin e Komisionit të Karrierës Diplomatike, i propozon Presidentit të Republikës dhënien e gradës personale “Ambasador” diplomatit të karrierës që përmbush kriteret e parashikuara në pikën 6 të ligjit. /tesheshi.com/
