Presidenti francez Emmanuel Macron, njeriu që bë “armik” i Shqipërisë (edhe i Maqedonisë së Veriut) me mos’hapjen e negociatave, është tashmë ai që po bën të mundur organizimin e një konference donatore për pasojat e tërmetit. Atë që Erdogan bëri ditë më parë me përfaqësues nga vende islame, Macron do e bëjë me perëndimorë, sipas një deklaratë të fundit të tij.
“Do të flasim për çfarë ndodhi në Shqipëri. Me këtë rast duhet t’i shpreh një mesazh të madh solidariteti popullit shqiptar. Uroj që ne politikanët të marrin përgjegjësitë tona duke organizuar në dhjetor ose janar një konferencë donatorësh”, tha Macron.
Kjo kohë përkon me afatin e vënë nga qeveria për nxjerrjen e një fature përfundimtare mbi pasojat e tërmetit, e cila do u shkojë donatorëve, si nga Lindja e si nga Perëndimi.
Kryeministri Rama është përbetuar duke thënë se do i “nxjerrë paratë nga dheu”, për të mundësuar rindërtimin pas tërmetit. /tesheshi.com/
