Një gjykatë egjiptiane dënoi me vdekje 37 persona, të cilët, si formë ekzekutimi i pret varja në litar.
Ata u akuzuan për përfshirje në 54 krime, sipas burimeve të gjykatës që dha dënimet kapitale.
Ndër to, është dhe tentativa e vrasjes në vitin 2013 të Mohamed Ibrahim, ministrit të atëhershëm të brendshëm, vrasja e oficerëve të policisë dhe disa sulme ndaj objekteve të sigurisë.
Midis të dënuarve është Hisham Ashmawi, një ish-oficer i forcave speciale, i cili u kthye kundër autoriteteve.
Ai akuzohet se ka luajtur një rol të rëndësishëm dhe në rrjetet ndërkufitare të Afrikës së Veriut.
Ashmawi u largua nga ushtria në 2012 dhe ka qenë prej kohësh një nga egjiptasit më të kërkuar.
Ai u arrestua në tetor 2018 në Libinë fqinje dhe u është dorëzuar autoriteteve egjiptiane nga gjenerali në pension i Libisë, Khalifa Haftar, në maj 2019.
Nëntorin e kaluar, një gjykatë ushtarake e dënoi me vdekje për përfshirje në 15 krime, duke përfshirë një sulm në një pikë kontrolli në kufirin me Libinë në vitin 2014, gjatë së cilës u vranë 22 ushtarë. /tesheshi.com/
