Sali Berisha, ish-kryeministri shqiptar, i cili ka gjithmonë pozicione të kundërta me pasardhësin e tij, Edi Rama, sot ka rënë në një mendje, pas letrës që kreu i mazhorancës i ka shkruar Lulzim Bashës.
“Unë mendoj se dialogu është i domosdoshëm. Pa dialog Shqipëria nuk ka ecur dhe nuk ecën në proceset integruese europiane. Me rëndësi nuk është dialogu në vetvete, por që të kemi një dialog produktiv. Qëndrimi i Bashës dhe ai i Ramës dje, le të shqyrtohet, por jo për një show mediatik. Dialogu të ketë edhe lehtësues dhe me rëndësi për vendin është që të vendoset dialogu”, tha Berisha në përfundim të seancës plenare.
Ndërkaq seanca e sotme pati si kryefjalë bllokimin e punuimeve nga deputetët e opozitës që rrethuan foltoren e Kuvendit.
Gjithçka u bë në kushte normale dhe parlamentarët e tjerë folën nga vendi.
Opozita ka vendosur që të mos lejojë punimet normale të Parlamentit pa u dërguar në Gjykatën Kushtetuese mandatet e Rakip Sulit dhe Valentina Leskajt.
/tesheshi.com/
