Një zhvillim i pazakontë ndodhi në Ukrainë në kuadër të koronavirusit, ku qytetarë sulmuan me gurë një autobus që përmbante bashkëkombasit e tyre të sapokthyer nga Wuhan-i.
Ata organizuan protesta dhe bllokuan rrugë, duke detyruar ndërhyrjen e ushtrisë.
Pasi qeveria ukrainase arriti të evakuojë të enjten qytetarët e saj nga Wuhan-i, disa ukrainas vendosën të protestonin. Kështu, 73 persona mbërritën në Ukrainë, por katër nuk arritën të evakuohen sepse kishin simptoma të infeksionit (ethe të lartë).
Ukrainas të pakënaqur u mblodhën përpara një spitali ku të evakuuarit duhej të qëndronin për ca kohë. Ata thanë se nuk dëshironin rrezikun e një shpërthimi koronavirusi në zonën e tyre. Ata madje dogjën dhe goma si një shenjë paralajmërimi.
Policia më pas u përpoq t’i shpërndante. Pamjet tregojnë se ka pasur edhe një konflikt.
“Ne duhej t’u shpjegonim dhjetë individëve më agresivë se cilat mund të jenë pasojat e veprimeve të tyre të paligjshme,” tha policia.
Përfundimisht, protestuesit u shpërndanë, por disa njerëz qëlluan me gurë autobusin me të kthyerit nga Kina. Autoritetet ukrainase planifikojnë të mbajnë të evakuuarit në karantinë për dy javë. /tesheshi.com/
https://youtu.be/WHSaM_lxN60
