Ndërsa kudo kuronavirusi ka goditur më së shumti bluzat e bardha jashtë pacientëve klasikë, e mu për shkak të pozitës së tyre në kontant me të sëmurët, në Serbi ka goditur zyrtare të Ministrisë së Brendshme. Kjo ngjan me atë që ndodhi në Iran gjatë fillimeve të pandemisë, ku virusi morri jetë zyrtarësh shtetërorë.
Kështu, në Serbi, janë 191 anëtarë të Ministrisë së Punëve të Brendshme (MUP) të cilët janë infektuar me koronavirus, ndërkohë që 6 oficerë policie ndërruan jetë, sipas asaj çfarë raportoi ministri i Brendshëm serb Nebojsa Stefanoviç.
Referuar 191 të prekurvem, ai tha se “ata me të cilët kam biseduar të ndjehen relativisht mirë, disa kanë kaluar simptomat, disa kanë simptoma shumë të buta ose pothuajse asnjë”.
“Fotografia është e ngjashme me atë që po ndodh me të gjithë qytetarët e tjerë të Serbisë”, tha Stefanoviç.
Stefanoviç theksoi se, pavarësisht gjithçkaje, njerëzit në Ministrinë e Brendshme janë shumë në humor dhe se ata shohin një frymë të fortë luftarake tek ata që duan të kthehen shpejt në polici dhe të ndihmojnë popullatën.
Stefanoviç tha se viktimat e koronavoriusit në radhët e policisë ishin një goditje e madhe për MPB-në. /tesheshi.com/
