Auto Dak
Auto Dak
Auto Dak

E PAMUNDURA/ Murrizi s’është Basha! Rama s’bind dot PD-në brendaparlamentare për votimin e Zgjedhores

Ka dështuar një takim i kreut të mazhorancës Rama, me përfaqësues të opozitës parlamentare, pasi nga kjo e fundit varet vota për miratimin e Zgjedhores, për të cilën duhen 85  vota. Ndodhi kjo ndërsa marrëveshja u përshëndet në Uashington dhe nga Sekretari Pompeo.

Por tashmë, opozita e re ka çastin e saj të artë për t’u imponuara me kërkesat e saj, ku më kryesorja është ndryshimi i sistemit zgjedhor. Tej kësaj, ajo, sipas fjalëve të Ramës, edhe po gjen rastin të hakmerret ndaj Bashës e të mandatdjegësve për linçimin publik që iu kanë bërë qyshse pranuan të jenë në parlament.

Këtë potencoi dhe Rama në një pronononcim pas takimit.

“Unë i mirëkuptoj përfaqësuesit e opozitës parlamentare që ndjehen të përjashtuar, të fyer për faktin që pasi janë denigruar dhe janë fyer në mënyrë sistematike nga ata që i kanë sjellë në parlament me firmat e tyre, gjenden përpara nevojës për të respektuar një marrëveshje që e konsiderojnë absolutisht të padenjë dhe mbi të gjitha detyruese nga jashtë parlamentit për parlamentin. Megjithatë, ajo që mendoj se është e rëndësishme është se do të vazhdojmë të diskutojmë.

Më vjen keq që dëgjova akuza edhe për tentativa blerjeje apo influenca jokorrekte mbi deputetët. Akuzat ishin në bllok për ata që janë jashtë, por edhe në adresën tonë, por unë i sigurova që nuk do të shkojmë në rrugën e një zgjidhjeje ku thjesht do kërkojmë aritmetikën, por në rrugën e një diskutimi për të krijuar kushtet e një dakordësie dhe në asnjë mënyrë nuk do përdorim dhe nuk kemi përdorur asnjëherë”, tha Rama.

Nga ana tjetër, deputeti Murrizi, ndër zërat kryesorë të opozitës brendaparlamentare, u përbetua se nuk do votojë marrëveshjen.

“Ta harrojë Rama që mund të kalohet një sistem zgjedhor me vota të trafikuara.  Nuk tërhiqemi nga kërkesat tona dhe do t’i institucionalizojë. Trafikimi është bërë edhe aset i partive të tjera të Këshillit Politik që kanë interes që kjo reformë të kalojë. Kanë gatuar gjellë qensh prej 30 vjetësh. Do të ketë radikalizim”, tha Murrizi.

Ndërkohë, PD, nga lista e cilës kanë dalë deputetët që tashmë janë bërë pengesë për votimin e Zgjedhores, marrëveshjen për të cilën ajo e konsideron “fitore”, nuk denjon takim me ta.

Këtë mision tashmë duhet ta kryejë Rama, që siç tha, s’e ka të lehtë.

“Bashës unë i thashë ‘bëj si të duash’, ndërsa po t’i them të njëjtën gjë edhe Murrizit i bie të kemi dy kode të ndryshme, ku zhvillohen dy zgjedhje, me gjithë respektin për Murrizin”, shtoi Rama, i cili nuk harroi t’i kërkojë Bashës që dhe ai të provojë negociatat me njerëzit e listës së tij.

“Mbase do ishte e udhës që Lulzim Basha të futej në këtë proces dhe të bënte një komunikim me ata që i ka sjellë ai në parlament dhe të bashkojmë forcat për t’i dhënë një zgjidhje një situate që nuk është e lehtë”, tha Rama. /tesheshi.com/

 

 

auto pjese dak

Related posts