Një bilbiotekë në shtetin e Alabamas ka futur një rregullore të re e cila parashikon burgim deri në tridhjetë ditë për ata që i kthejnë librat me vonesë.
Biblioteka në fjalë ka vendosur ta fusë këtë masë ekstreme për shkak se klientët i dorëzojnë librat, dvd-të dhe gjërat e tjera gjithmonë jashtë kohës së rregullt. Biblioteka duhet të rimarrë nga klientët libra me vlerë mbi 200 mijë dollarë.
‘Kemi shumë libra që nuk na janë kthyer. Ka njerëz që na kanë marrë libra me vlerë prej qindra dollarësh,’ tha për gazetarëst një bibliotekare.
Ajo shpejgon se gjithsesi arrestimet do të jenë në raste shumë të rralla. Ata që kanë marrë libra do të rikujtohen me anë të telefonatave apo emaileve dhe do t’u lihet kohë prej dhjetë ditësh. Vetëm pasi të ketë kaluar kjo kohë, atëherë mund të ndërmerren këto masa të rrepta. /tesheshi.com/
