Legjenda e Romës, Francesco Totti, lajmëroi dje përmes rrjeteve sociale se me ndeshjen e fundjavës ndaj Xhenovës i jepte fund karrierës si lojtar me ekipin e kryeqytetit italian.
“Roma – Xhenova, e dielë, 28 maj 2017, hera e fundit që mund të vesh bluzën e Romës,” ka qenë njoftimi i tij.
Dilemat për të ardhmen e tij patën nisur që në sezonin e shkuar, por askush nuk di të thotë se cili është destinacioni i ardhshëm i kapitenit 40-vjeçar pas 25 viteve të kaluara te Roma.
“Jam gati për një sfidë të re!” Kaq thotë vetë Totti, pa lënë të kuptohet në do të luajë diku tjetër apo do të marrë ndonjë rol drejtues brenda klubit aktual.
Mbrëmë ai ka shtruar një darkë për tërë shokët e ekipit, ku kanë munguar të gjithë përfaqësuesit e Romës, përfshirë trajnerin Luciano Spalletti.
Ky i fundit nuk ka patur asnjëherë marrëdhënie të ngrohta me Totti-n, pavarësisht deklarimeve për të kundërtën në pulik.
Nga darka pati një fotografi të përbashkët, të postuar në Twitter prej shtruesit të saj. /tesheshi.com/
