Një shtëpi e mrekullueshme xhami që mbështillet rreth një peme të gjatë të gjallë në mes të një pylli të dendur
Pse të ndërtoni një shtëpi klasike me pemë kur mund të ndërtoni një shtëpi të bukur xhami që mbështillet rreth gjithë pemës? Arkitekti Aibek Almassov në bashkëpunim me zyrën e A. Masow Architects, planifikojnë të realizojnë këtë ide në pyllin e Almaty, Kazakistan. Ai e çon konceptin e shtëpisë së pemës në ekstrem duke mbështjellë plotësisht një pemë të gjallë me një fasadë xhami.
“Ne donim të kombinonim mundësitë e dizajnit industrial modern dhe pasurisë dhe bukurisë natyrore”, tha arkitekti për Woodz.
Është porositur nga një biznesmen 38-vjeçar, i cili donte një shtëpi për dy persona dhe një vend që do t’i mundësonte të zhvillohej shpirtërisht dhe kreativisht. Para së gjithash, shtëpia është projektuar për të ofruar një hapësirë për të shpëtuar nga përditshmëria stresuese e qytetit.
Problemi i vërtetë ishte gjetja e dikujt që ishte në të vërtetë i gatshëm të paguante për të dhe ta ndërtonte atë. Ishin dy investitorë në lojë, dhe njëri prej tyre ka një fabrikë xhami dhe panele diellore, kështu që sigurisht që ai ishte i interesuar për këtë projekt.
Shtëpia do të ndërtohet nga kolona metalike, gipsi, betoni dhe dysheme druri. Shkallët do të rrotullohen rreth pemës si shtylla qendrore e kullës. Ai do të shfaqë një strukturë plotësisht me xham dhe cilindrike për të lejuar pamje 360 gradë të pyllit. Ngjitja e shkallëve në këtë shtëpi të pazakontë mund të krahasohet me fazat e pastrimit shpirtëror, ndriçimit dhe harmonisë me mjedisin.
Më e rëndësishmja, shtëpia prej xhami nuk do të jetë e dëmshme për mjedisin dhe siç shpjegon Almassov: “Kjo është një mundësi për të shpëtuar nga betoni dhe për të ndjerë unitet me natyrën”.
Pra, e kundërta e asaj që ka bërë Edi Rama ne Surel. /tesheshi.com/
