Në mbledhjen e fundit të Komitetit Teknik COVID, u vendos që personat që do të vijnë nga Maqedonia e Veriut dhe Greqia, do të vendosen në karantinë 2 javore.
Zv. ministrja e Shëndetësisë, Mira Rakacolli, sqaroi se kjo masë do të jetë në fuqi deri më 3 maj. Nga ana tjetër, dy vitet e para të shkollave të mesme mund të kthehen në mësimin e rregullt.
“Nga dita e nesërme qëndrimi në karantinë 2 javore për personat që vijnë nga Maqedonia dhe Greqia deri më 3 maj. Nxënësit e viteve të parë dhe të dyta që kanë qenë në mësim online, mund të fillojnë edhe mësimin në klasë”, tha Rakacolli.
Nga ana tjetër ajo theksoi se “padyshim që ka filluar të ndihet edhe efekti i vaksinimit masiv”.
“Mosrespektimi nga subjektet elektorale mund të ndikojë në rritjen e rasteve. Festa e Pashkëve do të sjellë edhe ardhje nga vendet e tjera. Kujtojmë se vitin e kaluar, në Pashkë u rritën rastet”, tha Rakacolli. /tesheshi.com/
