Prezantuesja me famë botërore e CNN Christiane Amanpour ka njoftuar se ajo është diagnostikuar me kancer të vezoreve.
Në një mesazh me video që postoi, ajo i tha publikut se po merrte kimioterapi dhe se ishte optimiste dhe besonte se gjithçka do të shkonte mirë.
“Dua të falënderoj të gjithë ekipin tim për mbështetjen. Katër javët e kaluara kanë qenë pak të vështira për mua. Gjatë asaj kohe, si miliona njerëz në të gjithë botën, unë u diagnostikova me kancer të vezoreve. Kam pasur një operacion të suksesshëm për ta hequr atë. Tani kam disa muaj kimioterapi përpara. Unë kam parashikimet më të mira të mundshme afatgjata,” tha ajo.
Some personal news from me: pic.twitter.com/D5noRnfXfA
— Christiane Amanpour (@camanpour) June 14, 2021
Amanpour falenderoi stafin e madh mjekësor të Shërbimit Shëndetësor Britanik (NHS) të cilët kujdesen për të, raporton CNN.
Ajo tha se vendosi ta bëjë publike shëndetin e saj me probleme për shkak të transparencës dhe për shkak se dëshiron me forcë të inkurajojë gratë që të kontrollohen rregullisht, në mënyrë që të parandalojë zhvillimin e një sëmundjeje të rrezikshme me zbulimin e hershëm.
Amanpour lindi më 12 janar 1958 në Londër. Ajo është vajza e iranianit Mohammad Taghi dhe britanikes Patricia Anne Amanpour. /tesheshi.com/
