Bota e automobilizmit është plot me pionierë që e vënë në dukje me krenari këtë fakt.
Zakonisht i kushtohet vëmendje disa “të parëve”, si makina e parë apo rekordi i parë, por ka dhe një të panjohur të madhe: Pompa e parë e karburantit në histori.
Logjikisht, për të ekzistuar pikat e karburantit, fillimisht duhet të ketë automjete që duhet të furnizohen me karburant, ndaj objekti i parë i këtij lloji u shfaq vetëm kur makina e parë pa dritën e diellit. Historia e tyre është e lidhur ngushtë, por sigurisht që kjo pikë karburanti origjinale është shumë larg asaj që është sot.
Duhet të ktheheni në Gjermaninë e fundit të shekullit të 19-të për ta kuptuar këtë. Atje, në vitin 1886, Karl Benz ndërtoi makinën e parë në histori, Benz-Patent Motorwagen, një përzierje mes karrocës dhe biçikletës me tri rrota vetëlëvizëse e aftë për shpejtësi deri në 16 km/h.
Si të gjithë pionierët, ajo kaloi vështirësi, pasi në dy vjet u shitën vetëm dy modele. Nga njëra anë ishte tepër e shtrenjtë dhe nga ana tjetër, sipas Bertha Benz-it, i shoqi nuk dinte ta shiste si duhet.
Ajo doli me një zgjidhje: të shfaqen në një udhëtim të gjatë ku njerëzit, duke e parë në lëvizje, të josheshin nga kjo një mënyrë interesante transporti.
Këtë e bëri bashkë me fëmijët, pa e lajmëruar të shoqin se po e merrte makinën hua. Ajo u nis në një udhëtim midis Mannheim-it dhe Pforzheim-it, ku jetonte nëna e saj. Siç pritej, udhëtimi ishte mjaft i ndërlikuar, kryesisht për shkak të një detaji të vogël: ishte e nevojshme të rimbushej me karburant.
Rezervuari i Motorwagen-it nuk mjaftonte për udhëtimin e gjatë, ndaj duhej mbushur në çast, por problemi ishte se, duke qenë se nuk kishte makina në rrugë, nuk kishte as pikë karburanti.
Motori punonte me ligroin, një derivat i naftës që në atë kohë përdorej në produkte pastrimi.
Ku shitej në atë kohë? Tek mjekët, kështu zonja Benz shkoi te një sosh dhe bleu pesë litra për të mbushur makinën. Vendi ndodhej në një qytet të quajtur Wiesloch dhe ekziston edhe sot. Ndaj aty ka një pllakë që e njeh si pikën e parë të karburantit në histori dhe ka një statujë në derën e saj që përkujton këtë moment. /tesheshi.com/
