I biri i familjes Haliti nga Gjilani, tre anëtarë të së cilës humbën jetën në Lalëz nga konsumimi i kërpurdhave, fajësoi mjekët për këtë tragjedi kosovare.
“Janë infektuar prej disa ushqimeve. Diçka që është tepër shqetësuese për ne është keqtrajtimi dhe neglizhenca në shërbimin spitalor të Manzës.
Tre pacientë të shkojnë më të njëjtin simptomë dhe të kthehen në shtëpi me barnaNuk është adekuate – pa analiza dhe pa kurrfarë përkushtimi të lirohet pacienti në atë gjendje është diçka jo e duhur për çdo mjek.
Kam komunikuara me babin dhe kanë marrë vetëm një serum dhe ishin kthyer në shtëpi edhe pse nuk ishin në gjendje të mirë.
Mendimi im është se nuk mund të lihet pacienti në shtëpi kur është në atë gjendje dhe ato ishin tre në gjendje të rëndë. Tre pacientë me simptoma të njëjta , të lirohen nga spitali është e pakuptueshme”, tha Haki Haliti.
Sipas tij, qeni, edhe ai i shuar, nuk ka konsumuar kërpurdha dhe kjo e bën më të dyshimtë çështjen.
“Pse ngordhi qeni? Ai nuk konsumon ushqimin tonë por ka të vetin. Këtë nuk e kuptoj dhe më ngjall dyshime. Dyshimet rrjedhin edhe nga ngordhja e qenit, pasi ai nuk ka ngrënë kërpudha. P
o këto ato i mbledhin të gjithë dhe nuk e bëjnë për herë të parë. Neglizhenca e kujdesit mjekësor në Gjirizin e Lalzit ka qenë e madhe dhe kjo ka vazhduar edhe gjatë shtrimit në Tiranë. Kërkojmë hetim të rastit në detaje se nuk kemi dëgjuar ndonjëherë se dhe qeni konsumon kërpudha për ushqim.
Nëse familjarët janë helmuar nga kërpudhat, po qeni nga se? Ata kanë qenë në shtëpinë e tyre në shtetin e vetëm, kanë shtetësinë shqiptare.
Kur mbërrita në Tiranë doja të shihja familjarët dhe u konsultova me mjekun dhe më tha se helmimi duhet të trajtohet sa më shpejt pa kaluar 24 orë, por ne ishim me 3 ditë vonesë”, tha njeriu që humbi tre pjesëtarë të familjes. /tesheshi.com/
