Heqja e kapeles që një grua i ka bërë një polici, ka çuar në reagimin e dhunshëm të këtij të fundit. Kjo ndodhi të dielën paraditë gjatë një proteste kundër ndërtimit të një parku lodrash për fëmijë tek kodrat e liqenit në Tiranë. Por ka qenë i menjëhershëm reagimi i ministri të Rendit, Saimir Tahiri, që dhe ai nga ana e tij ia ka “hequr kapelen”, siç thuet në rastet e largimit nga puna, i cili ka bërë me dije lirimin nga detyra të efektivit në fjalë.
“Është e papranueshme të sulmohet uniforma e Policisë së Shtetit, qoftë edhe nga një grua, por absolutisht edhe më e papranueshme dhe e patolerueshme të reagohet fizikisht, sidomos ndaj një gruaje. Kam kërkuar pezullimin e menjëhershëm të punonjësit të policisë dhe lirimin e tij nga detyra. Policia që duam nuk mund të jetë kjo që na treguan pamjet e konfliktit mes punonjësit të policisë dhe një qytetareje. Çdo punonjës policie duhet ta dijë këtë dhe kushdo e harron nuk do të tolerohet në asnjë rast e për asnjë arsye”, thuhet në postimin e Tahirit në FB. /tesheshi.com/
