Policia e Tiranës finalizoi me sukses dy operacione antidrogë duke arrestuar të paktën 6 persona.
Sipas informacioneve zyrtare, gjatë 12 orëve të fundit policia finalizoi operacionet “Biss” dhe “Tranter”, në të cilat u bllokuan 104.2 gramë lëndë narkotike e dyshuar e llojit Kokainë, 1100 dollarë, 52000 lek të reja, 2 automjete, 8 telefona, 1 peshore elektronike dhe 12 fishekë pistolete.
Në operacionin “BISS”, u arrestuan shtetasit:
– Genci Huta, 46 vjeç, banues në Tiranë.
– Denis Yzo, 37 vjeç, banues në Tiranë.
– Gentjan Dikollari, 30 vjeç banus në Tiranë.
– Anxhelin Prenga, 30 vjeç banues në Tiranë.
Sipas policisë, gjatë kontrollit të ushtruar në rr.”Kongresi i Manastirit”, në mjetin tip “Volkswagen”, me drejtues shtetasin Genc Huta dhe pasagjer shtetasit Denis Uzo, Gëzim Dikollari dhe Anxhelin Gega, në pjesën e këmbëve të pasagjerit janë gjetur 50.4 gramë lëndë narkotike e dyshuar e llojit Kokainë.
Në operacionin “TRANTER”, u arrestuan shtetasit:
– Dritan Toska, 38 vjeç, banues në Tiranë.
-Vladimir Ademi, 37 vjeç, banues në Tiranë.
Policia tha se gjatë kontrollit të ushtruar në banesë dhe në mjetin tip “Audi” janë gjetur 50 gramë lëndë narkotike e dyshuar e llojit kokainë. /tesheshi.com/
