Përbërësit:
Patëllxhan të madh
Proshutë pule
Djathë mocarel
Domate qershi
Erëza
Kripë, piper
Vaj ulliri
Bukë të grirë
Vezë
Përgatitja: Për rastin e parë të sanduiçit që është edhe më i shëndetshmi, pastroni dhe prisni patëllxhanin në feta. Secilën prej tyre kalojeni në skarë apo tigan që nuk ngjit, pa vaj.
Formoni me to sanduiçe duke vendosur mes dy fetave, proshutë pule, djathë mocarelë dhe erëzat që preferoni. Futeni në furrë për pak minuta në mënyrë që djathi të shkrijë.
Në versionin e dytë të sanduiçit, fetat e patëllxhanit, skuqini në tigan me vaj misri duke i kaluar më parë në bukën e grirë dhe vezën e rrahur. Përsëriteni veprimin njësoj më pas veproni njësoj si te sanduiçi i parë. /tesheshi.com/
