Eshtë rregjistruar një tjetër rritje e të infektuarve në Shqipëri, duke kaluar shifrën 20, e kjo ditë pas pati një ulje entuziaste deri në 6 raste në 24 orë.
Ndërkohë, mes të infektuarve janë dhe dy fëmijë asimptomatikë, si dhe një personel mjekësor. Ndërsa të shëruarit në 24 orët e fundit janë 15.
Detajet u dhanë nga Dr. Albana Fico, nga Instituti i Shëndetit Publik:
“Dje janë testuar 193 persona të dyshuar, prej të cilëve janë konfirmuar 21 raste të reja me COVID-19, nga të cilët 1 personel shëndetësor dhe dy fëmijë asimptomatikë.
Deri në këto momente janë testuar 4070 raste të dyshuara dhe prej tyre janë të konfirmuar pozitivë me COVID-19, 467 raste.
Betejën me këtë sëmundje e kanë humbur deri tani 23 qytetarë, megjithë përpjekjet e jashtëzakonshme të personelit shëndetësor.
Gjatë 24 orëve të fundit, 15 pacientë të tjerë i janë shtuar listës së të shëruarve, duke e çuar numrin e të shëruarve nga COVID-19 në 232″. /tesheshi.com/
