Një skenë e paimagjinueshme e teatrit politik të opozitës ka ndodhur në një prej komisioneve parlamentare.
Dy burra, Gazmend Bardhi dhe Famur Noka, shndërruar tashmë në një çift që kompenson mungesën e Berishës nën arrest shtëpie, kanë sulmuar verbalisht një grua, kolegen e tyre opozitare Flutura Açka, teksa ajo po niste të drejtonë mbledhjen e Komisionit për Edukimin dhe Mjetet e Informimit Publik.
Sipas dyshes Bardhi-Noka, ajo, Açka, po i shërbente Ramës. Por kujtojmë, deputetja në fjalë është e rreshtuar krah Bashës, pra pjesë e PD-së zyrtare, ose ndryshe asaj normale.
Si akt fizik final qe shkulja e mikrofonit nga ana e Nokës, sigurisht me ison e Bardhit.
Basha, në një reagim për këtë zhvillim të pazakontë, thotë: “Turp për këta burrecë të vegjël që mendojnë se duke sulmuar zonjat me dhunë verbale, tregojnë forcë. Kjo vetëm provon se sa të dobët janë”.
Vetë deputetja Açka reagoi duke thënë: “Unë nuk kam ardhur në parlament të përplasem me asnjë koleg i jam bashkuar kësaj proteste. Por ka një moment që e kam kuptuar se kjo formë e të bërit opozitë nuk na ka nxjerrë shumë të dritë. Është më mirë të themi fjalën sesa të bëjmë zhurmë”.
Ka kohë që i ashtuquajtur grupi parlamentar me drejtimin e Bardhit na kanë fyer dhe sulmuar…”, tha ajo. /tesheshi.com/
