Dy akuza për Biden junior…nga prokurori i Trumpit

Hunter Biden, djali i presidentit amerikan Joe Biden, do të deklarohet fajtor për dy pika të një aktakuze federale, njoftoi sot Departamenti Amerikan i Drejtësisë.

Djali i Biden do të deklarohet fajtor për dy akuza për shkelje tatimore, sipas një raporti të gjykatës në Delaware, raportojnë mediat botërore.

Djali i presidentit amerikan do të pranojë fajin kur të dalë në gjykatë, por ende nuk është caktuar një datë.

Sipas marrëveshjes, Biden gjithashtu hyri në një mocion paraprak për armëmbajtje pa leje.

Akuzat kundër Hunter u ngritën nga David Weiss, Prokurori i SHBA nga Delaware, i cili u punësua nga ish-presidenti Donald Trump.

Hunter tha në dhjetor 2020 se zyra e Weiss po hetonte shkeljen e tij tatimore, por mohoi që ai të kishte bërë ndonjë gjë të paligjshme.

Hetimi i Weiss fillimisht u fokusua në shkeljet e mundshme tatimore dhe pastrimin e parave gjatë kryerjes së biznesit jashtë shtetit, veçanërisht në Kinë, thanë burimet për Reuters.

Hetimi filloi në vitin 2018, sipas mediave amerikane. /teshesh.com/