Një rrjet i pamëshirshëm global që torturonte majmunët e vegjël është zbuluar nga një hetim i famshëm i BBC-së.
Hetimi identifikoi qindra “klientë” të rrjetit në SHBA, MB dhe gjetkë, të cilët paguanin indonezianët për të torturuar dhe vrarë majmunët e vegjël makakë, duke regjistruar aktet e tyre të urryera në video.
Rrjeti filloi duke ngarkuar videot në YouTube, përpara se t’i zhvendoste pamjet e tyre në grupe private në aplikacionin e koduar të mesazheve Telegram.
Forcat policore në vende të ndryshme kanë nisur hetimet për identifikimin e “klientëve” dhe, sipas BBC, tashmë janë bërë disa arrestime.
Gjatë hetimit të BBC-së, gazetarët depërtuan fshehtazi në një nga grupet kryesore të torturës në Telegram, ku qindra njerëz u mblodhën për të ideuar idetë për torturë ekstreme dhe për të caktuar njerëzit në Indonezi dhe vende të tjera aziatike për ta kryer atë.
Qëllimi i sadistëve ishte të krijonin “filma me porosi” në të cilat majmunët abuzoheshin, torturoheshin dhe ndonjëherë më pas vriteshin.
🚨Must watch🚨
Hunting the monkey torturers by @rebeccahenschke @astudestra @KelvinNews @joelmgunter @sampiranty
Watch👉🏻https://t.co/QOhczeFL6J
Read👉🏻https://t.co/OWG2Gcmimu
赤ちゃん🐒を拷問し、お金を稼ぐYouTube動画を追ったBBCドキュメンタリー。
酷すぎて見るのが苦しい💔 pic.twitter.com/Qg4htSfmqZ
— Mariko Oi 大井真理子 (@BBCMarikoOi) June 20, 2023
BBC gjurmoi si torturuesit në Indonezi ashtu edhe shpërndarësit dhe blerësit në SHBA. Deri më sot, të paktën 20 persona janë arrestuar dhe po hetohen globalisht, duke përfshirë tre gra që jetojnë në Britaninë e Madhe, të cilat u arrestuan nga policia vitin e kaluar dhe u liruan me kusht, si dhe një burrë në Oregon, i cili u akuzua vitin e kaluar.
Një agjent special që drejton hetimin e DHS (Departamenti i Sigurisë Kombëtare) të SHBA tha se të gjithë të përfshirë në hetim ishin “thellësisht të tronditur nga natyra e krimeve”.
Policia në Indonezi arrestoi dy të dyshuar për torturë, të cilët u dënuan përkatësisht me tetë muaj dhe tre vjet burg.
Videot e torturës së majmunëve janë ende lehtësisht të aksesueshme në Telegram dhe Facebook, ku BBC kohët e fundit gjeti dhjetëra grupe, disa me më shumë se 1000 anëtarë, që shpërndanin përmbajtje ekstreme.
Në një deklaratë për rastin, YouTube i tha BBC-së se abuzimi me kafshët “nuk ka vend” në platformë dhe se “punon shumë për të hequr shpejt përmbajtjen”. “Vetëm këtë vit, ne kemi hequr qindra mijëra video dhe kemi mbyllur mijëra kanale për shkelje të politikave tona të përmbajtjes së dhunshme dhe grafike”, thuhet në deklaratë.
Telegram, nga ana e tij, tha se “është i përkushtuar për të mbrojtur privatësinë e përdoruesve dhe të drejtat e njeriut, siç është liria e fjalës“, duke shtuar se moderatorët e tij “nuk mund të patrullojnë në mënyrë proaktive grupe private”. /tesheshi.com/
