Më në fund, Barcelona arrin të bëjë të vetën brazilianin Filip Kutinjo. Lajmi konfirmohet nga mediat britanike, të cilat bëjnë të ditur se braziliani është blerë për shifrën prej 138 milion paundësh.
Kutinjo është kërkuar nga katalanasit që një muaj më parë e në vazhdimësi, por Liverpuli bëri shumë rezistencë për të mos e lëshuar sulmuesin, i cili tek blaugranat u pa si zëvendësuesi ideal i Neymarit të larguar për në Paris.
Por me sa duket, trajneri i The Reds, gjermani Klopp, ka dashur “t’ia bëjë gjakun ujë” katalanasve, pasi ka lejuar shitjen e njërit prej lojtarëve kryesorë të tij, sezonin e kaluar.
Me sa duket, pas blerjes së Çaberlein nga Arsenali dhe Salah nga Roma, Liverpul e ka patur “më pak të nevojshëm” Kutinjon, për më tepër që në këtë fillim sezoni, skuadra po shënon si askush tjetër në Premier League.
Një tjetër seri thriller është mbyllur nga telenovela e merkatos së futbollit, e sërish me shifra që ta sjellin mendjen rrotull. /tesheshi.com/
