Në pozicionin e opozitarit rreshtuar kah e djathta, kreu i PBDNJ-së, Vangjel Dule akuzoi ish-aleatin Rama se është pikërisht ai pengesa për zgjedhje të lira e të ndershme.
“Opozita është në krahun e duhur dhe bën çmos që të mbrojë procesin zgjedhor”, deklaroi Dule nga Korça, duke theksuar më tej se “Rama duhet ta kuptojë se çdo ditë qytetarët po e braktisin atë”.
Sipas tij, Rama po përpiqet të bindë veten se gëzon shumicën, e për pasojë mund të zgjedhë i vetëm Presidentin e Republikës.
Krisja e raporteve Rama – Dule erdhi pas reformës territoriale, ku Himarës si bashki ju bashkangjit dhe Vranishti lab, gjë që irritoi edhe Athinën; si dhe pas afrimit të shefit të së majtës me Shpëtim Idrizin e çamëve. /tesheshi.com/
