Një situatë e pazakontë ndodhi këtë të shtunë në Konventën e Partisë Agrare Ambientaliste, ku dualiteti politik i kësaj partie, me një këmbë në të majtën e një në të djathtën, bëri që të ishin prezentë në të edhe krerë të së majtës dhe të së djathtës.
Lulzim Basha, i cili është në aleancë për zgjedhjet e Kolonjës me kreun e PAA-së, Agron Dukën, ish-deputet dhe ish-ministër socialist, tha se “ndarja me krimin është një urgjencë kombëtare, një thirrje mbi formacionet tona politike. Është një thirrje e shoqërisë, e Shqipërisë që kemi për detyrë t’i përgjigjemi. Sot e gjithë Shqipëria është në emergjencë kombëtare, hashashi ka zëvendësuar kultura bujqësore dhe fatkeqësisht është ekonomi kryesore e Shqipërisë sot”. Ndërsa Taulant Balla, në emër të PS-së, tha e përshendet konventën me bindjen se do të jetë e fundit që e gjen PAA në koalicion me PD.
Ndërsa vetë Duka, zgjodhi pozicionin e djathtë: “Bashkëpunimi me PD është në rritje të vazhdueshme. Flm zotit Basha….”, tha ai. /tesheshi.com/
