Antidroga e policisë së Kosovës ka konfiskuar rreth 82 kilogramë në fshatin Suhodoll të Mitrovicës.
Droga ishte futur në paketime dhe e njëjta është gjetur në një shtëpi me pronar serb.
“Njësitet policore gjatë bastisjes në shtëpinë e të dyshuarit mashkull Kosovar/Serb, në Suhodoll të Mitrovicës, kanë gjetur dhe konfiskuar një sasi të dyshuar të substancave narkotike të llojit marihuanë, 27-paketime, në peshë totale 81.825 kg”, thuhet në njoftimin e policisë.
Lidhur me rastin është informuar edhe prokurori, ndërsa njësitet policore janë duke hetuar rastin. Nuk është raportuar për të arrestuar. /tesheshi.com/
