Lepuri me kërpudha dhe pançetë është një pjatë e dytë mishi shumë e shijshme dhe aromatike, e realizuar me pjesët e buta të lepurit dhe e shoqëruar me pançetë me kërpudha. E gjithë pjata është e aromatizuar me hudhër e qepë, për t’i dhënë më shumë shije ushqimit. Lepuri me kërpudha dhe pançetë kërkon dy pjekje: një skuqje në furrë dhe një pjekje të gjatë në furrë me temperaturë të ulët. Rezultati do t’ju bëjë të lëpini gishtat.
Procedimi
Lyeni copat e lepurit me kripë e piper dhe hidhini në një tigan ku më parë keni nxehur vajin. Skuqni lepurin në mënyrë uniforme nga të dyja anët dhe më pas shtoni hudhrën e prerë hollë, qepën e prerë në feta si dhe pançetën e prerë në formë kubi.
Pastroni kërpudhat duke eliminuar pjesën e fundit dhe lëkurën. I prisni përgjysmë ose lërini ashtu, të mëdha siç janë (sipas dëshirës) dhe më pas shtojini ato tek tigani ku keni skuqur lepurin.
Lërini të skuqen bashkë për disa minuta dhe më pas shtoni një gotë me ujë. Sipas dëshirës, për t’i aromtizuar, mund të shtoni edhe një gjethe dafinë apo pak rozmarinë. Më pas i hidhni në një tepsi dhe i fusni në furrë.
Gatuani lepurin me kërpudha dhe pançetë në furrë me temperaturë 180 gradë për rreth një orë/një orë e gjysmë. Lagni herë pas here mishin e lepurit me salcën e përgatitur. Këshillohet të shërbehet e nxehtë./tesheshi.com/
