Një zëdhënës i kandidatit Emmanuel Macron në zgjedhjet presidenciale në Francë ka pohuar nga Parisi se Sputnik dhe Russia Today, dy organe mediatike ruse mjaft të njohura, janë ndaluar që të kenë qasje në aktivitetet e tij në vazhdim.
Zëdhënësi i kandidatit centrist foli për dëshirë sistematike të këtyre dy organeve për t’i përcjellë publikut informacione dhe lajme të rreme. Ai e paraqiti si një problem shpërndarjen në mënyrë metodike dhe sistematike të gënjeshtrave prej tyre.
Kryeredaktorja e RT-së, Margarita Simonyan, deklaroi përmes rrjeteve sociale se ekipi i fushatës së Macron-it nuk po pranonte t’i jepte akreditim në raundin e dytë të zgjedhjeve organit mediatik ku ajo punonte dhe organeve të tjera.
Russia Today ka bërë një sërë deklarimesh së fundi ku mohon pjesëmarrjen në një fushatë për të përhapur lajme të rreme për Macron-in dhe për zgjedhjet presidenciale në Francë.
Akuza për diskriminim kanë mbërritur me këtë rast nga Rusia, që thotë se masa nëpërkëmb lirinë e shtypit.
Emmanuel Macron është në garë me Marine Le Pen-in në balotazhin e zgjedhjeve presidenciale në Francë, e parashihet si fitues në votimet e 7 majit. /tesheshi.com/
