Histeria që ka përfshirë disa qarqe maqedonase kundër gjuhës shqipe, nuk ka anashkaluar as shkollat. Drejtori i një shkolle me nxënës maqedonas është filmuar duke u mbajtur ligjëratë paralajmëruese nxënësve në shkollë për rrezikun nga gjuha shqipe.
“Nëse ndodh aplikimi i gjuhës shqipe, nëse ndodh vendosja e simboleve shqiptare në monedha, nëse ndryshon himni, flamuri…”, dëgjohet duke folur drejtori, deri në momentin që ndërpritet nga një nxënëse, e cila i thotë: “Drejtor, a nuk është turp të mbani fjalime politike në shkolla?”.
Në rrjetet sociale është njoftuar se bëhet fjalë për drejtorin e Gjimnazit shtetëror “Mirçe Acev” në Prilep.
Ndryshe, kujtojmë se Ministër i Arsimit dhe Shkencës në Maqedoni, është kuadroja i BDI-së, Pishtar Lutfiu. Tani mbetet të shihet nëse, ky i fundit do të ndërrmarë masa ndëshkuese kundër drejtorit të shkollës. /tesheshi.com/
Në vazhdim e keni regjistrimin video:
https://www.youtube.com/watch?time_continue=54&v=tmcX0AsJxBs
