Në kohën kur njoftuan rikthimin e tyre në fushë në Itali, erdhi lajmi nga Firence se ky klub ka anëtarë të infektuar me COVID-19.
Gjashtë futbollistë janë aktualisht në izolim, dhe atyre iu është bashkuar drejtori sportiv Daniele Prade, i cili foli për përvojën e tij për mediat italiane.
“Ndjeva COVID-19 në lëkurën time. Rreth nëntë anëtarë të familjes u infektuan nga unë që jua solla virusin në shtëpi. Ia kalova gruas, vajzës, vjehrrit e vjehrrës, të afërmve ”, zbuloi Prade.
Të gjithë kaluan me simptoma më të buta përveç vjehrrit dhe vjehrrës, të cilët përfunduan në spital për 30 ditë.
“Ishte më e keqja për ta, u frikësova më shumë për ta. Ndenjën në spital për 30 ditë, por për fat të mirë u vendosën në një nga klinikat më të mira në botë për këtë virus”, tha Prade.
Pas një përvoje traumatike, Prade është i lumtur që gjithçka përfundoi pa viktima.
“Ky virus është dinak, i fshehtë. Ju nuk mund të ngriheni nga shtrati ose të shkoni në banjë, keni ethe, djersitje, kollitje, diarre. Bëhet mjaft e frikshme në momentin kur shihni që njerëzit përreth jush sëmuren dhe ambulanca i çon në spital”, përfundoi drejtori sportiv i Fiorentinës. /tesheshi.com/
