Reforma në Drejtësi që po mundohet të implementojë vendi ynë synon një sistem drejtësie që funksionon si pushtet i pavarur nga politike, por deri sa ta kemi atë lloj drejtësie kemi akoma gjyqtarët që i ‘binden’ politikës.
Kolegji Zgjedhor u mblodh sot për të shqyrtuar kërkesën për pavlefshmërinë e zgjedhjeve të 18 qershorit, por i ndikuar nga zhvillimet politike të orëve të fundit, ku u arrit një marrëveshje politike mes palëve që me shumë gjasa do të shtyjë dhe datën e zgjedhjve, kolegji nuk mori vendim.
Duke pritur verdiktin e politikës trupa gjyqësore e shtyu vendiminpër në datën 22 Maj për shpalljen të pavlefshme të listave të kandidatëve për deputetë.
Gjykatësit kanë arsyetuar se do të thërrasin si palë të interesuar në proces të gjitha partitë që janë regjistruar tashmë në zgjedhje.
Ankimimi në Kolegj Zgjedhor u bë nga Partia Aleanca Popullore që pretendon se listat e kandidatëve për deputetë u dorëzuan në KQZ një ditë me vonesë, nga sa parashikonte ligji. Një kërkesë e ngjashme ishte bërë dhe nga Partia Agrare Ambjentaliste, e cila e tërhoqi në momentin e fundit pas marrëveshjes politike./tesheshi.com
