Udhëheqësja e Mianmarit, Aung San Suu Kyi ka mbërritur në Hollandë, ku do të paraqitet para Gjykatës Ndërkombëtare të Drejtësisë (ICJ) në Hagë, e akuzuar për genocid ndaj pakicës muslimane Rohinga.
E njohur si nobeliste paqeje për luftimin e diktaturës ushtarake në vendin e saj, ajo mbërriti në Amsterdam së bashku me Wooter Jurgensky, ambasadorin hollandez në Mianmar, ku ajo u përshëndet nga shumë mbështetës.
Disa protesta pro dhe kundër Suu Kyi pritet të zhvillohen në Amsterdam.
Çështja në ICJ është përpjekja e parë juridike ndërkombëtare për të gjykuar Mianmarin me akuzën e vrasjes masive të një pakice fetare.
Kjo vjen pasi Gambia paraqiti një kërkesë më 11 nëntor në GJND, duke akuzuar Mianmarin për shkelje të Konventës së Gjenocidit të 1948.
Zyra e Suu Kyi konfirmoi muajin e kaluar se ajo do të marrë pjesë në seancë dhe do të drejtojë një ekip të Mianmar për të “mbrojtur interesat kombëtare”.
Më shumë se 700,000 rohinga kanë ikur në Bangladeshin fqinj pas sulmit të ushtrisë ndaj tyre në 2107, një zhvillim që Kombet e Bashkuara e konsiderojnë atë si “genocid”.
Gjatë seancës dëgjimore tre-ditore, ekipi juridik i Gambias do t’i kërkojë GJND-së “masa të përkohshme” për të mbrojtur Rrohingat para fillimit të çështjes. /tesheshi.com/
