Adnan Kassar, dikur një figurë e shquar në skenën sportive të Sirisë, foli për Sky News për herë të parë që nga rënia e regjimit të familjes Assad, i cili sundoi vendin për më shumë se 50 vjet.
Kassar fitoi shumë medalje të arta dhe ishte kapiten i ekipit kombëtar të kuajve në fund të viteve 1980. Kulmi i karrierës së tij ishte në vitin 1993 në Kampionatin e tretë Ndërkombëtar të Kuajve në Lattakia, ku performanca e tij e jashtëzakonshme siguroi fitoren për ekipin.
Kassar ishte një mik i ngushtë i Bassel al-Assadit, por suksesi i tij zemëroi shokun e tij hipist, i cili nuk kishte ecur mirë në të njëjtin event.
Bassel ishte trashëgimtari i dukshëm i presidencës siriane, por vdekja e tij në një aksident automobilistik në vitin 1994 e shtyu Bashar al-Assadin të kthehej nga Londra – ku punonte si okulist – dhe të përgatitej për të marrë detyrën pas vdekjes së babait të tyre.
Duke folur për reagimin e bashkatdhetarëve të tij pas ndeshjes së vitit 1993, Kassar tha për Sky Neës: “Turma më ngriti mbi supe. Ishte një moment i pastër gëzimi, por jo i njëjtë për Basselin. Ajo ditë ishte fillimi i makthit tim”.
Adnan Kassar, a Syrian former equestrian champion, has told how he was jailed and tortured for over two decades after he beat Bashar al Assad's older brother in a competition.
Full story: https://t.co/S5PSghpeAm pic.twitter.com/FQmPZiq7Hr
— Sky News (@SkyNews) December 26, 2024
Menjëherë pas ndeshjes, Kassar u arrestua me “akuza të paqarta” të cilat ai pretendon se ishin të sajuara për shkak të xhelozisë së Basselit. Paraburgimi i tij u shndërrua në një kalvar shumëvjeçar të mbushur me marrje në pyetje brutale dhe abuzime të vazhdueshme fizike dhe psikologjike.
“Në fillim më mbajtën në një bodrum për gjashtë muaj, më rrihnin vazhdimisht dhe më merrnin në pyetje pafundësisht”, rrëfen ai. Më pas ai u transferua në burgun famëkeq Sednaya, i njohur si “therrtorja”, ku, tha ai, “torturat u bënë edhe më keq”.
Situata u përkeqësua kur Bassel ndërroi jetë. “Më fajësuan mua për vdekjen e tij”, tha ai. “Çdo vit, në përvjetorin e vdekjes së tij, torturat intensifikoheshin”.
Kassar kaloi gjithashtu shtatë vjet e gjysmë në burgun Tadmur, i njohur për kushtet e tij çnjerëzore. “Një mëngjes më shpuan veshin dhe po atë natë më thyen nofullën”, kujton ai. Edhe prej namazit u ndëshkua rëndë: “Për shkak se falesha, më fshikulluan 1000 herë. Këmbët m’u ndanë, kockat m’u zbuluan”.
Pavarësisht thirrjeve të aktivistëve për lirimin e tij që nga shpërthimi i Revolucionit Sirian, emri i Kassar është përjashtuar nga dekretet e amnistisë. Më në fund, u lirua pas presionit ndërkombëtar më 16 qershor 2014, pothuajse 22 vjet pas arrestimit të tij.
Në vitet që nga ajo kohë, Kassar ka shmangur të flasë publikisht për aventurën e tij traumatike, nga frika se do të burgosej përsëri. Megjithatë, ai vendosi të thyejë heshtjen e tij pas përmbysjes së Bashar al-Assadi. “Pas vitesh burgime, torturash dhe padrejtësie, revolucioni më në fund përmbysi regjimin diktatorial”, tha ai. /tesheshi.com/
