Një dramë e vërtetë u zhvillua në qendër të Kievit të premten. Një Land Rover “doli frerësh” në Sheshin e Pavarësisë, duke marrë përpara dhe këmbësorë. Dy sosh ndërruan jetë në këtë tragjedi dhe momentet dramatike u regjistruan nga kamerat.
Duke gjykuar nga pamjet, numri i të vdekurve do të ishte dukshëm më i lartë nëse shumë kalimtarë nuk do të kishin vërejtur me kohë Land Roverin e dalë jashtë kontrollit dhe të arrinin t’i shmangeshin.
Sipas shërbimit për shtyp të policisë në kryeqytetin e Ukrainës, përveç dy viktimave, disa persona u plagosën.
Policia po merr në pyetje drejtuesin 66-vjeçar. Pretendohet se ai ka humbur vetëdijen gjatë ngasjes. /tesheshi.com/
